Xiddiga khadka dhexe uga ciyaara Arsenal ee Declan Rice ayaa telefoonka kula hadlay ciyaartoyda kooxdiisii hore ee Arsenal, waxaanu ka codsaday inay maanta nafta u huraan sidii ay u joojin lahaayeen Manchester City oo ay isku haystaan horyaalka Premier League.
Arsenal waxay u baahan tahay inay ka badiso Everton, sidoo kalena la qabto Manchester City oo la dheelaysa West Ham oo booqanaysa garoonka Etihad Stadium.
Gunners oo horyaalka Premier League oo ay ku guuleysato ay ugu dambaysay sannadkii 2004, ayaa garoonka Emirates Stadium waxay ku qaabbilaysaa Everton oo ay ku qasban yihiin inay ka badiyaan haddii ay doonayaan inay nasiibkooda ka beegsadaan kulanka Man City iyo West Ham.
Difaaca West Ham ee Vladimir Coufal oo la hadlay telefishanka Sky Sports ayaa xaqiijiyey inuu lasoo hadlay Declan Rice oo uu ka dalbaday inay ka caawiyaan sidii ay Arsenal ugu guuleysan lahayd horyaalka, waxaanu yidhi: “Waxa uu lasoo xidhiidhay wiilasha Ingiriiska ah. Waa ciyaartoy Arsenal ah oo kaliya doorbidaya bandhiggooda.”
