Weeraryahanka reer Uruguay ee Darwin Nunez ayaa ka degay magaalada Barcelona ee waddanka Spain, maalin kaddib markii uu masaxay ee uu barihiisa bulshada ka saaray dhamaan sawirradiisii uu xidhnaa garanka Liverpool.
Laacibkan oo lala xidhiidhinayo Barcelona oo la sheegay in uu tegayo, ayaa maanta dabka kusii shiday warka bixitaankiisa Liverpool, waxaana uu gaadhay Barcelona oo doonaysa inuu u noqdo weeraryahanka u beddelaya Robert Lewandowski.
Warbaahinta waddanka Ingiriiska ee dhinaca ciyaaraha ayaa soo bandhigtay muuqaallada Darwin Nunez oo ku sugan magaalada Barcelona, xilli ay kooxdiisu isku diyaarinayso ciyaarta horyaalka Premier League ee Aston Villa ee Isniinta.
Wararka ayaa sheegaya in dhawr maalmood oo fasax ah uu tababare Jurgen Klopp siiyey ciyaartoydiisa mar haddii ay Isniinta dheelayaan oo sagaal maalmood oo fasax ah ay u dhexeeyaan ciyaartooda xigta ee Aston Villa.
Darwin Nunez ayaa waxa uu magaalada Barcelona kula kulmay difaaca Barcelona ee Ronald Araujo oo ay isku waddan yihiin, waxaana sawirka uu lasoo galay uu soo geliyey bartiisa bulshada, kuna tilmaamay walaalkii.
