Tababaraha kooxda kubadda cagta Liverpool ee Jurgen Klopp ayaa soo saaray liiska ciyaartoydiisa kulanka adag ee caawa ee Merseyside Derby ee ay martida u yihiin Everton oo ay isku magaalo ka dhisan yihiin, waxaana ciyaartan ay ka dhici doontaa garoonka Goodison Park.
Liverpool oo Axaddii dib ugu soo laabatay guusha Premier League markii ay 3-1 ku garaacday Fulham oo ay ku booqatay London, ayaa waxa ay caawa mar kale u dagaallami doonaan inay figta sare kula midoobaan Arsenal oo xalay 5-0 ku xasuuqday Chelsea.
Jurgen Klopp ayaa waxa kooxdiisa ka maqnaan doona dhawr ciyaartoy oo muhiim ah oo uu ku jiro Diogo Jota oo ku dhaawacmay ciyaartii Fulham oo uu gool ka dhaliyey, waxaana la sheegay in ay suurtogal tahay inuu ka maqnaado kooxdiisa inta ka hadhay xilli-ciyaareedka.
Waxa kale oo Liverpool ka maqan Conor Bradley, Stefan Bajcetic, Thiago Alcantara, Joel Matip iyo Ben Doak.
Liiska xiddigaha Liverpool ee kulanka Everton
Goolhayeyaal: Alisson, Caoimhin Kelleher, Adrian.
Difaacyahanno: Andy Robertson, Ibrahima Konate, Joe Gomez, Virgil van Dijk, Jarell Quansah, Kostas Tsimikas, Trent Alexander-Arnold.
Khadka Dhexe: Dominik Szoboszlai, Alexis Mac Allister, Curtis Jones, Ryan Gravenberch, Harvey Elliott, Bobby Clark, James McConnell, Wataru Endo.
Weerarka: Luis Diaz, Darwin Nunez, Mohamed Salah, Cody Gakpo, Jayden Danns.
