Kevin de Bruyne ayaa la weydiiyay koobak uu jeclaan lahaa inuu ku guuleysto xilli ciyaareedkan: Premier League ama Champions Leagie.
Galabnimadii Sabtida, Manchester City ayaa guul soo laabasho ah ka gaartay Crystal Palace kulan ka dhacay Selhurst Park.
Ciyaarta ka dib, De Bruyne ayaa wax laga weydiiyay koobka uu jeclaan lahaa inuu ku guuleysto xilli ciyaareedkan Premier League ama Champions League.
Wuxuu yiri: “Malaha Champions League. Way adag tahay in la yiraahdo. Midkii uu noqdaba waan qaadanayaa.”
Daaficii hore ee Manchester United Rio Ferdinand ayaa markaas kula kaftamay De Bruyne inuu ka caajisay hanashada Premier League.
Xiddiga reer Belgium ayaa ku jawaabay: “Maya, maya, kama caajisin.
“Haddii aan ka caajisi lahayn, uma dagaalami laheyn sidii maanta oo kale. Waan arki doonnaa.”
Man City ayaa haatan ku jirta kaalinta seddexaad ee Premier League iyagoo hal dhibic ka danbeeya Arsenal iyo Liverpool inkastoo Reds uu kulan u harsan yahay iyagoo caawa la ciyaaraya Manchester United.
Waxay sidoo kale joogaan wareega sideed dhamaadka Champions League, waxayna la ciyaari doonaan kooxda ugu guulaha badan tartanka ee Real Madrid
