Manchester City ayaa ku qabsatay Manchester United iyo Real Madrid difaaca kooxda Everton ee Jarrad Branthwaite oo ah 21 jir u dhashay England. (Mail)
Manchester United ayaa la sheegayaa in ay diyaar u tahay inay iibiso khadka dhexe ee reer Scotland ee Scott McTominay, laakiin dhinaca kale waxa jira warar kale oo iyaguna sheegaya in kooxdu ay qandaraas cusub oo mushaharkiisu badan yahay ay u bandhigayso 27 jirkan. (Star)
Difaaca da’da yar ee Barcelona ee Mikayil Faye oo ah 19 usbuucan loogu yeedhay xulka Senegal ayaa waxa doonaya saddexda kooxood ee Bayer Leverkusen, Man United iyo Inter Milan. (Mail)
West Ham ayaa kusoo biirtay tartanka loogu jiro weeraryahanka reer England ee Ivan Toney oo ay kooxdiisa Brentford sheegtay inay iibinayso xagaaga. Waxa hore ugu loollamayey Arsenal iyo Chelsea. (Football Insider)
Liverpool, Man City iyo Chelsea ayaa waxa ay saddexduba doonayaan khadka dhexe ee Newcastle iyo xulka Brazil ee Bruno Guimaraes oo 26 jir ah. (Team Talk)
Bayern Munich waxa ay doonaysaa in ay ogaato go’aanka difaaca bidix ee reer Canada ee Alphonso Davies ugu dambayn usbuuca soo socda, kaas oo ah in uu sii joogayo kooxda oo uu heshiis cusub saxeexayo iyo in kale. Real Madrid ayaa si weyn loola xidhiidhinayaa 23 jirkan. (Sky Sports Germany)
Tottenham ayaa diyaarinaysa dalab waqti hore ah oo ay xagaaga ka gudbin doonto khadka dhexe ee Chelsea ee Conor allagher, kaas oo ay ku doonayso inta u dhaxaysa £30 milyan oo Gini illaa £40 milyan oo Gini. 24 jirkan ayaa qandaraaskiisa Chelsea uu ku egyahay dhamaadka xilli-ciyaareedkan.
Weeraryahanka Genoa ee Albert Gudmundsson ayaa waxa uu soo galay diiradda kooxda Tottenham, laakiin waxa ay tartan kala kulmayaan Inter Milan oo dhinaceeda u doonaysa 26 jirkan reer Iceland. (Football Transfers).
