Mohammed Kudus ayaa dhaliyay gool cajiib ah oo u eg midkii Diego Maradona kulankii ay West Ham 5-0 ku xasuuqday Freiburg.
Xiddiga reer Ghana ayaa ahaa laacibka garoonka iyadoo kooxda Premier League ay xaqiijisatay booskeeda wareega sideed dhamaadka Europa League.
Wuxuu dhaliyay gool cajiib ah ka dib 60 mitir uu soo orday islamarkaana uu kubada ku garaacay goolhayaha Freiburg Noah Atubolu, waxa uu sidoo kale dhaliyay goolkiisii labaad oo qurux badnaa.
Kudus oo 23 sanno jir ah ayaa waxaa si weyn u amaanay tababaraha West ham David Motes oo kooxda ku hogaamiyay markii seddexaad oo isku xigta wareega 8da Europa League.
Tababaraha Scotland ayaa yiri: “Wuxuu ahaa gool shaqsiyadeed oo cajiib ah. waa gool lagu tilmaami karo Rolls Royce”
Mohamed Kudus ayaa kubada ka soo jiiday meel u dhow goolkiisa, waxa uu la soo garab maray seddex ciyaaryahan oo Freiburg ka hor inta uusan kubada dabmarinin goolhayaha.
DAAWO Goolka Mohamed Kudus:
