Mustaqbalka Trent Alexander-Arnold ee Real Madrid ayaa galay xaalad hubanti la’aan ah, iyadoo la sheegay in Liverpool ay ka fiirsaneyso sidii ay dib ugu soo celin lahayd daaficii hore ee kooxda.
Alexander-Arnold ayaa Real Madrid kaga soo biiray Liverpool xagaagii 2025, iyadoo lagu soo iibsaday 10 milyan oo euro. Si kastaba, dhaawacyo iyo qaab ciyaareed aan joogto ahayn ayaa ka hor istaagay inuu boos joogto ah ka helo shaxda kooxda.
Sida ay baahisay SER Deportivos, imaatinka tababare Jose Mourinho ayaa xaaladda sii adkeeyay. Tababaraha reer Portugal ayaa booska daafaca midig ka doorbiday Federico Valverde, kaas oo bandhigyo wanaagsan sameeyay kulamadii ugu dambeeyay.
Mourinho ayaa sidoo kale dalbaday in kooxda ay la soo wareegto Denzel Dumfries, taasoo Alexander-Arnold ka dhigi karta dookha saddexaad ee booskaas.
Maqnaanshaha daqiiqadaha ciyaarta ayaa Real Madrid ku abuuraya walaac dhaqaale, maadaama xiddiga reer England uu qaato mushaar badan. Si kastaba, maamulka kooxda ayaa sidoo kale tixgelinaya saameynta uu bixitaankiisu ku yeelan karo jawiga qolka labiska, gaar ahaan saaxiibtinimada uu la leeyahay Jude Bellingham.
Dhanka kale, Liverpool ayaa loo arkaa meel uu u dhaqaaqi karo. Kooxda Anfield ayaa ka fiirsaneysa inay Janaayo amaah ku dalbato, iyadoo qaadaysa mas’uuliyadda mushaarkiisa, ama ay xagaaga gudbiso dalab rasmi ah.
