Kullan wacan aqristayaasheena sharafta badan, waxaan halkaan kusoo gudbin doonaa wararkii ugu dambeeyay wargeysyada iyo suuqa kala iibsiga ciyaartooyda maanta oo khamiis ah.
Arsenal ayaa wali raadineysa weeraryahanka RB Leipzig iyo Slovenia Benjamin Sesko kaas oo bartilmaameed u ahaa Gunners intii lagu jiray suuqii ugu dambeeyay. (football.london)
Manchester United ayaa ugu cadcad inay gacanta ku soo dhigto ciyaaryahanka khadka dhexe ee reer Holland Frenkie de Jong hadii uu ka tagayo Barcelona xagaaga soo aadan. (Fichajes – Spain)
Manchester City ayaa doonaysa in ay Erling Haaland u gacan galiso heshiis cusub isla markaana ay wax ka badasho qodobbada lagu burburin karo qandaraaskiisii hore (TBR Football )
Liverpool ayaa wadahadalo horumar leh kula jirta daafaca dhexe ee kooxda Sevilla Loic Bade waxay rabaan inay u dhaqaaqaan suuqa January. (Fichajes – Spain)
Juventus ayaan dhag jalaq u siin doonin codsigii Paul Pogba ee ahaa in uu sii joogo Turin ka dib markii la dhimay ganaaxii 4-ta sano ahaa ee lagu soo rogay dhawaan . (Tuttomercatoweb – Talyaaniga)
Barcelona ayaa doonaysa in ay la soo saxiixato goolhaye cusub oo bedela Marc-Andre ter Stegen, waxayna bartilmaameedkooda 1-aad u ah goolhayaha Porto ee Diogo Costa (El Nacional – Spain)
Weeraryahankii hore ee italy haatana ah maamulaha xulka Turkiga Vincenzo Montella ayaa si lama filaan ah u noqday badalka Erik ten Hag ee Manchester United. (Ajansspor – Turkiga)
Ten Hag ayaa halis ugu jira in la ceyriyo haddii uusan wax ka bedelin qaab ciyaareedka United kulamada soosocda (Mirror)
Ciyaaryahanka khadka dhexe ee Bayern Munich Joshua Kimmich ayaa weli waxaa xiiseynaya Manchester City, Liverpool iyo Barcelona, laakiin kooxda Bavarian ayaa rajeyneysa inuu saxiixo qandaraas cusub. (HITC)
Milan ayaa wadahadalo horudhac ah la furtay River Plate oo ay ka doonayso da’yarka tayada leh ee Franco Mastantuono, kaas oo lagu burburin karo qandaraaskiisa 41 milyan oo euro (La Gazzetta dello Sport – Italy)
Aston Villa ayaa ku soo biirtay tartanka loogu jiro saxiixa xiddiga khadka dhexe ee Ukrain Georgiy Sudakov kaas oo dhaliyay 7 gool islamarkaana caawiyay laba kale 10 kulan oo uu u ciyaaray xilli ciyaareedkan Shakhtar Donetsk. (Caughtoffside)
