Jurgen Klopp ayaa liiska ciyaartoydiisa kulanka weyn ee Manchester City ee galabta ka reebay toban ciyaartoy oo muhiim ah oo dhaawacyo kaga maqan, kuwaas oo uu ugu dambeeyey difaaca reer France ee Ibrahima Konate.
Liverpool oo xalay lumisay hoggaanka Premier League oo ay la wareegtay Arsenal, ayaa waxa haddii ay guuleysato ay awoodi doontaa inay dib ugu laabato figta sare.
Ciyaartii Sparta Prague ee Khamiistii ayaa waxa Liverpool kaga dhaawacmay difaaca reer France ee Ibrahima Konate oo liiska maqaneyaasa kula biiray Alisson Becker, Trent Alexander-Arnold, Joel Matip, Diogo Jota, Ryan Gravenberch, Curtis Jones, Thiago Alcantara, Stefan Bajcetic iyo Ben Doak, taas oo ku qasbi doonta Jurgen Klopp inuu difaaca dhexe ka wada ciyaarsiiyo Virgil van Dijk iyo Jarell Quansah.
Dhakhaatiirta Liverpool ayaa hubin waqti dambe ah ku samayn doona Ibrahima Konate, kaddibna waxa go’aan laga gaadhi doonaa ka hor inta aanay ciyaartu bilaabmin.
Halkan kaga bogo liiska xiddigaha Liverpool ee kulanka Manchester City ee galabta
Goolhayeyaal: Caoimhin Kelleher, Fabian Mrozek, Adrian
Difaacyahanno: Conor Bradley, Joe Gomez, Virgil van Dijk, Jarell Quansah, Kostas Tsimikas, Andy Robertson
Khadka Dhexe: Wataru Endo, Dominik Szoboszlai, Alexis Mac Allister, Harvey Elliott, Bobby Clark, James McConnell
Weeraryahanno: Luis Diaz, Darwin Nunez, Mohamed Salah, Cody Gakpo, Kaide Gordon, Lewis Koumas.
Sxbw afsomaliga isa saax Ibrahim kanate walaga rabay hadana wala hubina maxawaye midakale guurme lumina hoganka horyalka ciyartiba waali lama dheelin