Muxuu Thomas Tuchel Ka Yiri Guushii Xulkiisa England Ka Gaaray Xulka Spain?

Tababaraha xulka qaranka England, Thomas Tuchel, ayaa sharraxay sababtii keentay in kooxdiisu ay guul 3-2 ah ka gaarto xulka Spain kulankii tartanka UEFA Nations League ee dhacay Axaddii.

Tuchel ayaa xusay in qaab-ciyaareedka xulkiisa iyo midnimada ciyaartoyda ay u suurtagelisay xulka Three Lions inay ka adkaadaan Spain. Macallinkan u dhashay dalka Jarmalka ayaa daawaday xulkiisa oo guusha ku hantay goolal ay dhaliyeen Harry Kane, Ezri Konsa iyo Ben White, halka Mikel Oyarzabal iyo Nico Williams ay shabaqa u soo taabteen Spain ciyaartii ka dhacday garoonka Estadio Metropolitano ee magaalada Madrid.

“Waa guul fariin cad diraysa. Natiijadu waxay ku timid qaab-ciyaareedkii ugu sarreeyay dhanka kalsoonida, ruuxda kooxeed iyo midnimada,” ayuu Tuchel ku yiri waraysigiisii ciyaarta ka dib.

Wuxuu intaas ku daray in ciyaartoydiisu ay wax walba si wadajir ah u qabteen, haddii ay ahaan lahayd cadaadiska sare ee ay saarayeen xulka ka soo horjeeday iyo isku-xirka marxaladaha weerarka iyo daafaca.

 

LEAVE A REPLY

Please enter your comment!
Please enter your name here

Most Popular

Most Popular

- Advertisment -

Most Popular