Manchester United Oo Ku Sigatay In Mar Kale Ay Guuldarro Kala Kulanto Aston Villa

Kooxda Manchester United ayaa dhibic dirqi ah ka badbaadsatay Aston Villa ka dib markii uu Patrick Dorgu daqiiqadihii dhimashada u dhaliyay goolka barbarraha kulan xiiso badan oo ku soo idlaaday 4-4, kaas oo ka dhacay garoonka Old Trafford.

Wiilasha tababare Michael Carrick ayaa ciyaarta ku bilowday si aad u liidata iyadoo laba gool looga dhaliyay afartii daqiiqo ee ugu horreysay. Alysson Edward ayaa daqiiqaddii labaad goolka furitaanka u dhaliyay Villa, ka hor inta uusan laba daqiiqo ka dib Nicolas Jackson ka faa’iideysan qalad uu sameeyay goolhaye Senne Lammens, isagoo ciyaarta ka dhigay 2-0.

United ayaa ciyaarta dib ugu soo laabatay daqiiqaddii 16-aad markii uu kabtan Bruno Fernandes rigoore gool u beddelay ka dib qalad uu Boubacar Kamara ku galay Matheus Cunha. Cadaadiska kooxda martida loo ahaa ayaa miro-dhalay daqiiqaddii 44-aad markii uu Youri Tielemans shabaqa ka soo taabtay kooxdiisii hore ka dib caawin uu ka helay Noussair Mazraoui, taas oo qaybtii hore ku soo afjartay barbarro 2-2 ah.

Si kastaba, Aston Villa ayaa mar kale hoggaanka la wareegtay bilowgii qaybta labaad markii uu John McGinn daqiiqaddii 48-aad dhaliyay rigoore uu sababay Diogo Dalot. Shan daqiiqo oo keliya ka dib, Leon Goretzka ayaa ciyaarta ka dhigay 4-2 ka dib markii uu ka faa’iideystay jahwareer ka dhashay kubad uu si qaldan u bixiyay Leny Yoro.

Manchester United ayaan quusan, waxaana rajo cusub u abuuray Joshua Zirkzee oo goolka saddexaad dhaliyay daqiiqaddii 90+2-aad, ka hor inta uusan Patrick Dorgu madax ku dhalin koorno la soo tuuray daqiiqaddii 90+6-aad, taas oo ciyaarta ka dhigtay 4-4.

Inkastoo ay soo laabasho cajiib ah sameeyeen, barbarrahan wax badan kama beddelin xaaladda Manchester United oo ku jirta kaalinta 18-aad iyo khadka cas ee looga haro horyaalka Premier League, xilli la galayo fasaxa xulalka qaranka.

 

LEAVE A REPLY

Please enter your comment!
Please enter your name here

Most Popular

Most Popular

- Advertisment -

Most Popular