Mustaqbalka kabtankii hore ee Liverpool ee Jordan Henderson ayaa cirka ku laalan, kaddib markii ay kooxdiisa hadda ee Ajax ku guul-darraysatay inay usoo baxdo tartanka Champions League sannadkii labaad oo xidhiidh ah. (Athletic)
Kubbad-burburiyaha reer Brazil ee Bruuno Guimaraes oo u dheela Newcastle ayaa la sheegay in aanay run ahayn wararka sheegaya in uu tegayo PSG xagaaga soo socda. (Mail)
Liverpool waxa ay Arne Slot hadiyad uga dhigayaan 24 jirka khadak dhexe uga ciyaara Union Saint-Giloise oo u dhashay waddanka Algeria, waxaana uu weeraryahankani noqonayaa saxeexa koowaad ee Liverpool ee xagaaga. (Teamtalk)
Bayern Munich waxa ay wada-hadallo la furtay tababaraheedii hore ee Hansi Flick oo ay doonayso inuu dib ugu soo laabto kooxda oo uu beddelo Thomas Tuchel oo bixitaan isku diyaarinaya. (Sky Germany_
Weeraryahanka reer France ee Kylian Mbappe ayaa noqon doona ciyaartoyga ugu mushaharka badan Real Madrid marka uu dhamaystiro heshiiska uu ugu wareegayo Santiago Bernabeu. Xalay ayuu Mbappe shaaciyey inuu ka tegayo PSG. (RMC Sport)
Tegitaanka Kylian Mbappe waxa ay PSG u badbaadin doontaa lacag dhan 220 milyan oo Euro, inkasta oo uu laacibkani si xor ah uga tegayo. (Sky Sports)
Juventus ayaa ka mid noqotay kooxaha sida dhow ula socda xaaladda 22 jirka Manchester United ee Mason Greenwood oo hadda amaah ugu maqan Getafe, balse waxa ay sidoo kale indhaha ku hayaan Joshua Zirkzee oo ah 22 jir weerarka uga ciayara Bologna iyo Alvaro Morata oo 31 jir u dheela Atletico Madrid. (Gazzetta dello Sport)
Barcelona ayaa tartan kala kulmi doonta Arsenal iyo Juventus oo ku qabsaday kubbad burburbiyaha reer Spain ee Martin Zubimendi oo ah 25 jir u dheela Real Sociedad. (Mundo Deportivo)
