“Kuma qanacsani” – Noussair Mazraoui ayaa ka carrooday barbarihii Chelsea.
Noussair Mazraoui ayaa dareemay in Man United ay u qalantay 3-da dhibcood ee kulankii Chelsea.
Saxiixa xagaaga ee Noussair Mazraoui ayaa dareemay in Manchester United ay samaysay wax ku filan si ay u xaqiijiso saddexda dhibcood ka dib barbarihii 1-1 ay la gashay Chelsea axadii.
Ciyaarta ayaa kululaatay markii ay soo gaartay 20-kii daqiiqo ee ugu dambeeyay, iyadoo United ay ku guuleysatay rigoore ka dib markii Rasmus Hojlund lagu dhexdilay xerada ganaaxa.
Bruno Fernandes ayaa u soo istaagay inuu tuuro rigooradii ay heleen, waxaana uu meel qaldan u diray Sanchez, isagoo dhaliyay goolkiisii seddexaad ee labadii kulan ee ugu danbeysay iyo goolkiisii ugu horeysay ee Premier League xilli ciyaareedkan.
Si kastaba ha ahaatee, hogaanka United ayaa socday afar daqiiqo uun ka dib markii Moises Caicedo uu kubad qurux badan ku barbarreeyay ciyaarta.
United ayaa iska lumisay fursad qaali ah oo ay hogaanka ku soo ceshan kartay waxaana ka khasaariyay Alejandro Garnacho.
“Umaan qalmin,” Mazraoui ayaa yidhi, isagoo la hadlaya MUTV. “Xaqiiqdii si adag ayaan u dagaalanay, laakiin ugu dambeyntii, haddii aad eegto ciyaarta iyo fursadaha aan abuurnay, waan u qalanay inaan badino”.
Mazraoui Ayaa soo bandhigay qaab ciyaareedkiisii ugu fiicnaa ee maaliyada United tan iyo markii uu kaga soo biiray Bayern Munich bishii Agoosto.
“Waxaan sameeyay intii karaankeyga ah maanta, waxaana aad ugu lug lahaa weerarka [ciyaarta],” ayuu hadalkiisa sii raaciyay xiddiga reer Morocco. “Waayadan dambe, waxaan aad ugu lug lahaa waxyaabaha loobaahan yahay ee ciyaarta.
“Ugu dambeyntii, waa tayadayda inaan sidoo kale ku lug yeesho weerarka oo aan taageero. Taasi waxay ahayd waxa aan sameyn karo maanta.”
