Paul Merson oo ah khabiir ka tirsan Sky Sports ayaa aaminsan in Arsenal ay u baahan tahay inay ugu yaraan laba gool ku garaacdo Real Madrid lugta hore haddii ay doonayaan inay fursad u helaan inay gaaraan semi-finalka Champions League. Merson wuxuu yiri: “Markuu Bukayo Saka kasoo laabtay dhaawac, fursaddu waxay ahayd 50:50. Laakiin Gabriel markuu dhaawacmay? Aniga waxaan dhihi lahaa 25 boqolkiiba fursad ayay haystaan.”
Kooxda Mikel Arteta ee Arsenal ayaa la ciyaaraysa kooxda heysata koobka isla markaana 15 jeer ku guuleysatay Champions League, Real Madrid, iyadoo lugta hore lagu ciyaarayo garoonka Emirates fiidnimada Talaadada.
Arsenal waa inay guuleysataa lugta hore. Haddii ay hal gool ku badiyaan waa heerkii ugu hooseeyay, laakiin aniga waxaan aaminsanahay inay ugu yaraan laba gool ku badiyaan.
Waxaan aragnay tan sanadkii hore markii Bayern Munich ay la ciyaartay, halkaas oo lugtii labaad ay u fududaatay Bayern kadib markii 2-2 lagu kala baxay Emirates. Anigu ma arko Real Madrid inay labo gool la’aan ka bixi doonto Bernabeu.
Real Madrid si fiican uma ciyaarayso xilligan. Arsenal way waxyeelayn kartaa sababtoo ah Real waxaa hadda si fudud looga dhalin karaa goolal.
Haddii Arsenal ay ku gaarto hoggaan laba gool ah lugta hore, markaas fursad ayay leeyihiin.
Waa shaqo adag oo Arsenal hortaalla – laakiin ma doonayo inaan Arteta ku xukumo kulankan. Waa in si qoto dheer loo eego xaaladda, sababtoo ah ma haystaan weeraryahan dhexe, sidoo kalena Gabriel oo ah daafac dhexe ayaa dhaawac ah.
Anigu waxaan Arteta ku xukumayaa xilli ciyaareedka soo socda marka uu helo weeraryahan dhexe. Haddii aysan horyaalka ku guuleysan xilli ciyaareedkaas kadib marka uu helo daafac dhexe, markaas xaalad adag ayuu geli doonaa.
