Liverpool ayaa lagu soo waramayaa inay ka cabsi qabto luminta Trent Alexander-Arnold sanadka 2025, daafaca England ayaa bartilmaameed u ah Real Madrid.
Xiddiga kasoo baxay akadeemiyadda kooxda Liverpool ayaa noqday mid ka mid ah daafacyada midig ee adduunka ugu fiican tan iyo markii lasiiyay fursad uu ugu ciyaared kooxda koowaad ee Reds.
Alexander-Arnold qandaraaskiisu wuxuu dhacayaa June 2025. Walina majiro qorshe uu ku saxiixayo qandaraas cusub.
26-sano jirkaan ayaa heshiis hordhac ah la gaari kara kooxda Real Madrid ka hor inta uusan beeca xorta ah ugu biirin Janaayo,
Sida laga soo xigtay wargeyska Isbaanishka ee Marca, ma jiro xiriir toos ah oo dhexmaray dhinayada, laakiin Madrid ayaa ka warqabta xaalka cakiran ee Alexander-Arnold iyo Liverpool.
Ciyaaryahanka heerka caalami ee dalka England oo ka hadlay xaalada qandaraaskiisa, ayaa diiday inuu u ballan qaado kooxda mustaqbalkiisa Anfield.
Marca ayaa sheegtay caawa in Alexander-Arnold loo diyaarinayo bedelka Carvajal oo dhaawac ku seegi doona inta ka dhiman xilli ciyaareedka.
