Taageerayaasha Chelsea ayaa ogaaday wixii uu Conor Gallagher ku yiri garsoore Rob Jones xilli uu careysnaa kulankii Premier League ee ay ka badiyeen Tottenham.
Chelsea ayaa 2-0 ku garaacday Spurs kulankii Stamford Bridge taasoo dhaawac weyn u geysatay rajadii Spurs ee u soo bixitaanka Champions League ee xilli ciyaareedka danbe.
Goolal ay kala dhaliyeen Trevoh Chalobah iyo Nicolas Jackson ayaa guul ay u qalantay ku hogaamiyay Chelsea.
Ka hor ciyaarta, taageerayaasha Chelsea ayaa soo bandhigay dareenkooda ku aadan wararka sheegaya in Gallagher la iibinayo xagaagan, iyagoo soo bandhigay boor weyn oo uu ku sawiran yahay kabtankooda.
Waxay tani timid xilli xiddiga Ingariiska lala xiriirinayo inuu u wareegayo Tottenham.
Waqti xaadirkaanse waxa uu ka mid yahay xiddigaha ugu muhiimsan Chelsea, wuxuuna carro kala duldhacay garsoore Jones intii ay socotay ciyaarta qeybteedii labaad.
Ka dib markii qalad laga dhigay isaga, Gallagher ayaa ku qeyliyay garsooraha.
Muuqaal lagu wadaagay baraha bulshada ayaa muujinaya wixii uu Gallagher ku yiri garsooraha, isagoo ku qeyliyay “Qashin baad tahay.”
Guusha Chelsea waxay siineysaa rajo yar oo ah inay u soo baxaan tartamada Yurub xilli ciyaareedka danbe.
Waxay haatan ku jiraan kaalinta sideedaad ee Premier League iyagoo labo dhibcood ka danbeeya Newcastle oo 7aad ku jirta iyo Man United oo 6aad ku jirta.
