Kabtanka kooxda Manchester United, Bruno Fernandes, ayaan diyaar u ahayn inuu qalinka ku duugo qandaraas cusub oo uu la galo kooxda ka dhisan horyaalka Premier League, ilaa laga buuxiyo shuruudo gaar ah oo uu wato.
Sida uu ku warramay wargeyska Telegraph ee dalka Ingiriiska, Fernandes ma aqbali doono heshiis cusub ilaa uu arko mashruuc dhab ah oo leh fursado muuqda oo guul lagu gaari karo.
Qandaraaska Xiddiga khadka dhexe ee haatan ayaa ku eg dhammaadka xilli-ciyaareedkan, iyadoo xiddigan u dhashay dalka Portugal uu ilaa hadda iska diiday laba dalab oo qandaraas kordhin ah oo ay u soo bandhigtay Red Devils, inkastoo kooxdu ay haysato dookh ay heshiiskiisa ku kordhin karto 12 bilood oo kale.
Mowqifka Fernandes ayaa caqabad cusub ku noqon doona tababare Mauricio Pochettino oo loo magacaabay maamulaha cusub ee kooxda, kaas oo toddobaadka soo socda u duuli doona dalka Ingiriiska ka hor kulanka adag ee ay United booqan doonto kooxda Liverpool.
