Xiddigii hore ee Arsenal iyo Manchester City, Samir Nasri, ayaa su’aal geliyay ku guuleysiga Harry Kane ee abaalmarinta Ballon d’Or 2026.
Nasri ayaa sheegay in weeraryahanka Bayern Munich iyo xulka England uusan waligiis noqon ciyaaryahanka kooxdiisa ku hoggaamiya guulaha kulamada ugu waaweyn.
Hadalka Nasri ayaa yimid kadib markii Kane uu Isniintii ku guuleystay abaalmarinta Ballon d’Or, isagoo ka hormaray Kylian Mbappé iyo Lamine Yamal.
Isagoo wareysi siinayay Canal+, Nasri wuxuu qiray in tirakoobka goolasha iyo tayada Kane ay door weyn ka ciyaareen guushiisa, balse wuxuu shaki ka muujiyay awoodda uu kooxdiisa ugu hoggaamin karo kulamada waaweyn.
“Tirakoobka ayaa sameeyay farqiga,” ayuu Nasri ka yiri guusha Kane.
“Laakiin waligiis ma noqon ciyaaryahan kooxdiisa meel gaarsiiya ama ku hoggaamiya inay guuleysato kulamada aadka u waaweyn,” ayuu raaciyay.
Si kastaba ha ahaatee, Nasri wuxuu Kane ku tilmaamay ciyaaryahan aan caadi ahayn.
Kane, oo 33 jir ah, ayaa xilli ciyaareedkii hore u dhaliyay Bayern Munich iyo xulka England 73 gool tartamada oo dhan. Waxa uu sidoo kale ku guuleystay saddex koob oo waaweyn, oo uu ku jiro horyaalka Bundesliga.
