Manchester United ayaa si rasmi ah u dhamaystirtay saxiixa daafaca kooxda Lecce ee Patrick Dorgu.
Ciyaaryahanka heerka caalami ee dalka Denmark ayaa Old Trafford ku yimid qiimo lacageed dhan 30 milyan oo euro, iyo 5 milyan oo dheeri ah, waxaana uu noqday saxiixii ugu horeeyay ee weyn ee xilliga Ruben Amorim lagu dhawaaqo.
Dorgu ayaa saxiixay heshiis dhacaya 2030, iyadoo dookh uu u leeyahay 12 bilood oo dheeri ah, waxaana la filayaa inuu noqdo daafaca garabka bidix ee cusub ee Man Utd.
Dorgu waxa uu helay bandhig qurux badan intii lagu jiray 18 bilood oo uu joogay Lecce, isaga oo wax qabadkiisa ugu muhiimsan ee Daafaca bidix la arkay.
20-sano jirkaan ayaa inta badan ka soo muuqday garabka bidix ee kooxda Serie A xilli ciyaareedkan. Waana waxa soo jiitay tababaraha Man United.
Man Utd ayaa ku garaacday Napoli tartanka adag oo ay kula soo wareegtay Dorgu, waxayna sidoo kale ku guulaysteen in ay ku helaan heshiis ka jaban kii ay markii hore filayeen maadama kooxdiisii hore ay dalbatay 40 milyan oo euro.
