Daafaca kooxda Arsenal ee William Saliba ayaa loo aqoonsaday daafaca dhexe ee ugu wanaagsan adduunka, ka dib qiimeyn lagu sameeyay tobanka daafac ee xilligan ugu fiican kubadda cagta.
Inkastoo Saliba uu dhaawac ku maqnaa billowgii xilli-ciyaareedka, haddana xirfaddiisa sare ayaa keentay inuu hoggaamiyo liiskan. Da’yarka kooxda Barcelona ee Pau Cubarsi, oo xulka Spain kula guuleystay Koobka Adduunka, ayaa galay kaalinta labaad. Waxaa kaalinta saddexaad ku jira daafaca kale ee Arsenal, Gabriel, kaas oo qaab-ciyaareed cajiib ah soo bandhigay.
Lamaanaha daafaca kooxda PSG ee Willian Pacho iyo kabtan Marquinhos ayaa ku kala jira kaalmaha afaraad iyo shanaad, ka dib markii ay kooxdooda ku hoggaamiyeen laba koob oo xiriir ah oo Champions League ah.
Kabtanka Liverpool ee Virgil van Dijk ayaa hoos ugu dhacay kaalinta lixaad. Inkastoo uu weli yahay hoggaamiye adag, haddana waxaa muuqata in da’du ay bilaabayso inay saamayso oo ay bateen khaladaadkiisu.
Dhanka kale, Alessandro Bastoni oo u ciyaara Inter Milan ayaa galay kaalinta toddobaad, halka Jonathan Tah oo ka tirsan Bayern Munich uu ku jiro kaalinta siddeedaad. Waxaa kaalinta sagaalaad galay daafaca Atletico Madrid ee Cristian Romero, iyadoo kaalinta tobanaad uu buuxiyay Jeremy Jacquet oo wacdaro ka dhigaya horyaalka Premier League.
