Weeraryahanka France Dembele ayaa dhaliyay afar gool lix kulan oo Ligue 1 uu u saftay PSG xilli ciyaareedkan, waxaana uu sidoo kale ciyaaray kulankii ay 1-0 kaga badiyeen kooxda reer Spain ee Girona kulankoodii furitaanka Champions League-ga.
Si kastaba ha ahaatee, waxaa soo baxayay warar sheegaya in 27-sano jirkaan uu khilaaf soo kala dhexgalay isaga iyo tababaraha PSG Luis Enrique ka dib markii la bedelay xilli dambe ciyaartii ay 3-1 kaga badiyeen Rennes horyaalka Faransiiska Jimcihii.
“Haddii qof uusan u hoggaansamin ama uusan ixtiraamin rajada kooxda, waxay la macno tahay inuusan diyaar u ahayn inuu ciyaaro,” ayuu yiri Enrique.
“Waxaan rabaa in dhamaan ciyaartoydeyda ay diyaar ahaadaan, sidaas darteed waxaan ka tagay isaga.
“Duruufahani waa kuwo adag, waana inaad qaadataa go’aamo adag laakiin 100% ayaan ku hawlannahay go’aankayga, 100% waa hubaa go’aanka aan qaatay”.
Laacibkii hore ee Barcelona Dembele ayaa la dhihi karaa waa magaca ugu weyn ee PSG u bedalay Kylian Mbappe.
Si kastaba Ousmane ayaa wajahi doonin caawa kooxda Arsenal.
