Crystal Palace waxa ay ka baqaysaa in xagaaga ay lumiso difaaceeda reer England ee Marc Guehi oo qiimihiisa lagu sheegay £55 milyan oo Gini oo ay doonayaan Manchester United iyo Arsenal. 23 jirkan ayaanay kooxdiisu kalsooni ku qabin inuu sii joogayo. (Times)
Weeraryahanka reer Nigeria ee Victor Osimhem ayaa ka tegi doona Napoli xagaaga, waxaana si weyn u doonaya Chelsea iyo PSG oo la filayo in midkood uu u saxeexi doono 25 jirkan. (Gazzetta)
Manchester United waxa ay ka tiirsanaysaa mustaqbalka tababare Erik ten Hag marka uu dhamaado xilli-ciyaareedkan socda. (Sun)
Liverpool ayaa albaabada u furtay kooxaha Sucuudiga ee doonaya xiddiga reer Masar ee Mohamed Salah, iyadoo xagaagii hore ay Reds diidday dalabyo dhan £150 milyan oo Gini. (Football Insider)
Difaaca reer Netherlands ee Lutsharel Geertruida oo ay da’diisu tahay 23 jir ayaa tababare Arne Slot u raaci doona Liverpool. (Express)
Robert Lewandowski ayaa doonaya in uu sii joogo Barceloan xilli-ciyaareedka dambe, inkasta oo 35 jirkan ay doonayaan kooxaha horyaalka Sucuudigu. (Sport)
Juventus iyo Roma ayaa xiisaynaya da’yarka Arsenal ee Charlie Patino oo ay da’diisu tahay 20 jir oo waqtigan amaah ugu maqan Swansea City. (Calciomercato)
Khadka dhexe ee reer Brazil ee Lucas Paqueta oo a26 jir ah ayaa sheegay inuu aad ugu faraxsan yahay kooxdiisa West Ham, inkasta oo lala xidhiidhinayo Manchester City. (ESPN)
Arsenal, Liverpool iyo Manchester United ayaa doonaya khadka dhexe ee Brighton iyo xulka Cameroon ee Carlo Baleba. (Caugh Offside)
Manchester United iyo Chelsea ayaa ku tartamaya difaaca Inter Milan iyo xulka Netherlands ee Denzel Dumfries oo 28 jir ah. (Fichajes)
Thiago Silva oo oo maanta ku dhawaaqay inuu ka tegayo kooxdiisa Chelsea, ayaa la sheegay inuu dib ugu laaban doono naadigiisii carruurnimada ee Fluminense oo ka dhisan Brazil. (Teamtalk)
