Taageerayaasha Liverpool ayaa durba go’aamiyay shaqada ugu horeysay ee uu tababare Arne Slot qaban doono marka uu bedelo Jurgen Klopp/
Klopp ayaa ka tagaya Liverpool dhamaadka xilli ciyaareedkan, waxaana la filayaa in lagu bedeli doono macalinka kooxda Feyenoord Arne Slot.
Xalay oo Isniin aheyd, Liverpool waxay iska qasaarisay hogaan 3-1 ah iyadoo labo gool oo xilli danbe uu ka dhaliyay Jhon Duran taasoo keentay inay ciyaarta ku dhamaato barbaro 3-3 ah.
Barbarahaas ayaa la micno ah in Tottenham ay qasab ku tahay inay garaacdo Manchester City caawa haddii ay doonayaan inay Aston Villa kala wareegaan booska ugu danbeeya ee loogu soo baxayo Champions League.
Taageerayaasha Liverpool ayaa u tilmaamay tababaraha imaanaya kooxda Arne Slot in shaqadiisa ugu horeysa uu ka dhigo inuu baro weeraryahan Darwin Nunez sharciga offside-ka.
Taageera ayaa soo qoray: “Arne Slot, codsiga kaliya aan ku soo jeedinayo ayaa ah inaad barto Nunez sharciga offside-ka.”
Mid kale ayaa yiri: “Waxaan aaminsanahay in Nunez uu u baahan tahay in mar kale loo sharxo sharciga offside-ka. Ninkaan ma arkeysid isagoo aan offside aheyn.”
Taageere seddexaad ayaa soo qoray: “Nunez weli ma fahamsana sharciga offside-ka. Waxaan rajeynayaa inuu xagaaga waqti u heli doono inuu barto.”
Mid afaraad ayaa yiri: “Haddii Nunez uu joogayo, waxa ugu horeeya ee Arne Slot uu u baahan tahay waa inuu baro sharciga offside-ka ah sababtoo ah waxaani kaftan way dhaafeen. Imissa jeer ayuu offside galayaa.”
Taageere kale ayaa soo qoray: “Shaqada ugu horeysay ee Arne Slot: Bar Nunez sharciga offside-ka.”
