YAAB: Unai Emery Oo Go’aan Lama Filaan Ah Ka Gaadhay Goolhayaha Kooxdiisa Aston Villa Ee Emiliano Martinez

Tababaraha kooxda Aston Villa ee Unai Emery ayay warar cusubi sheegayaan inuu go’aan lama filaan ah ka gaadhay goolhayihiisa Emilaino Martinez.

Martinez ayaa toddobaad dahabi ah qaadanaya isagoo ka caawiyay xulkiisa Argentina inay ku guuleystaan Koob aduunkoodii ugu horreeyay 36 sano kaddib.

Si kastaba, hab dhaqankii Martinez kaddib Koobka aduunka ayaa ahaa mid muran badan dhaliyay isagoo marar badan ku jees-jeesay xiddigaha France oo uu kamid yahay Kylian Mbappe.

Kaddib muranadaas uu dhaliyay ayay macquul tahay inuu ku waayay joogitaankiisii Villa, wargeyska Fichajes ayaa sheegay in tababare Emery aad u doonayo inuu iska iibiyo Martinez.

Walow uu 30 sano jirkaasi isku muujiyay Koobkii aduunka ee Qatar ka dhacay haddana macalin Unai Emery ayay warbixintu sheegtay inuusan jeclaysan qaabka uu u dhaqmayo Emiliano.

Sidoo Kale Akhri

Manchester City Oo Qabsatay Qareen Toddobaadkii Ay Siinayso £400,000 Gini Si Uu Uga Badbaadiyo Ganaaxyada Culus

February 7, 2023

DEG-DEG: Carlo Ancelotti Oo Shaqada Laga Caydhinayo Toddobaadkan

February 7, 2023

Bixitaanka Martinez ayaa sababi karta in Aston Villa u dhaqaaqdo saxeexa goolhayaha kooxda Sevilla ee Yaccine Bounou oo ay kooxdiisu 30 Milyan oo euro ku iibin karto.

Bounou qudhiisa ayaa Koobkii aduunka isku soo muujiyay isagoo kamid ahaa xiddigaha udub-dhaxaadka u ahaa xulkii wacdaraha dhigay ee Morocco.