Halyeeyga Chelsea ee Jose Mourinho ayaa sharaxay sida uu Jose Mourinho waxkasta ugu sameeyo inuu saddex dhibcood kulan ka helo iyo sharcigii wakhti lumiska ee uu baray markii ay Stamford Bridge wada joogeen.
Terry ayaa dib u milicsaday sidii uu wakhti lumisku muhiim ugu ahaa tababaraha Portuguese-ka ah oo ay saddex horyaal Premier League kusoo wada guuleysteen.
Jose ayaa yaqaanay sida wakhtiga loo lumiyo iyadoo aan wax ciqaab ah lagala kulmayn garsooraha kulanka wuxuuna baray xiddigihiisa.
Terry oo beIN Sports ka hadlayay dhawaan ayaa sheegay inuu Mourinho u sheegay inay garoonka dhexdiisa isku dhacaan oo kubad joog sarre ah isku jiidhaan isaga iyo Gary Cahill kaddibna labaduba dhulka isku tuuraan sida inay dhaawacmeen maadaama aan labadaba garoonka laga wada saari karin.
“Waan xasuustaa, sharcigu wuxuu ahaa haddii aanu 1-0 leenahay oo kubadda oo lasoo dalacay xerada ganaaxa lasoo dhigay haddii laba daafac kubadda isku qabsadaan oo kaddib labaduba dhulka ku dhacaan kaddib garoonka kama baxaysaan si ciyaartu usii socoto”.
“Markaas 15 ama 10ka daqiiqo ee ugu dambeeya aniga iyo Gary Cahill ayuu noo sheegayay ‘Marka kubaddu xerada soo gasho hubiya inaa labadiinuba dhulka ku dhacdaan, inaad is jiidhaan kaddibna labadiinuba dhulka ku dhacdaan sababtoo ah labadiinuba ma bixi kartaan”.
