Liverpool ayaa bilowday hawlgalkeedii suuqa January, waxaanay xalay dhamaystirtay saxeexa Cody Gakpo oo ay £50 milyan oo Gini oo wajiyo lagu kala bixinayo kaga soo iibsatay PSV Eindhoven. Waxay saxeexa laacibkan ku garaaceen Manchester United oo si weyn loola xidhiidhinayay.
Tababare Jurgen Klopp ayaa si hoose oo aan aad loola soconin uga shaqeeyey saxeexa weeraryahanka reer Netherlands oo shan ciyaarood oo Koobka Adduunka ah oo uu saftay saddex gool dhaliyey, waxaana uu maalmaha soo socda kasoo degi doonaa England oo uu tijaabada caafimaadka ku mari doono.
23 jirkan ayaa Klopp siin doono kala-doorashooyin afka hore ee weerarka ah oo ay dhibaatooyin badan xilli ciyaareedkan ka taagnaayeen kaddib dhaawacyo tiro badan.
Reds ayaa rikoodhkeeda Premier League ee xilli ciyaareedkan uu yahay in ay laba gool dhaliyeen kulan walba, waxaana goolashooda ugu badan ka yimaaddeen Mohamed Salah iyo Roberto Firmino oo uu soo raaco Darwin Nunez.
Imaatinka Gakpo ee Anfield ayaa waxa uu Liverpool ayaa yimid iyadoo ay dhaawacan yihiin Diogo Jota, Luis Diaz iyo Roberto Firmino, waxaanay warbaahinta Ingiriisku sheegayaan in hadda ay kaliya kooxdu awoodda saari doonto sidii ay ula saxeexan lahayd ciyaartooyo khadka dhexe ay.
Su’aasha xalayba bilaabantay ayaa waxay ahayd sida ay noqon doonto shaxda Liverpool kaddib saxeexa Gakpo iyo maqnaanshaha Diaz, Jota iyo Firmino.
Jurgen Klopp ayaa isbeddel ku samayn doona labada boos ee weerarka dhexe iyo garabka bidix, iyadoo Mohamed Salah uu sii haysan doono booskiisa garabka midig. Darwin Nunez ayaa lagu soo riixi doonaa weerarka dhexe oo ah booskiisa dabiiciga ah, halka Gakpo uu isaguna tegi doono booskiisa dabiiciga ah ee garabka bidix.
Sidan ayay noqon doontaa shaxda Liverpool
