Jurgen Klopp ayuu culays badan ka degay ka hor ciyaarta Sabtida ee Brighton & Hove Albion, kaddib markii uu tababare Roberto De Zerbi qaaday tallaabo ka farxiso Reds oo ay u arkaan inay ka caawinayso inay jidka guusha kusoo laabtaan kaddib ciyaar
Xiddiga reer Belgium ee Leandro Trossard oo saddexlay goolal ah ka dhaliyey Liverpool kulankoodii koowaad ee xilli ciyaareedkan, isla markaana jabiyey rikoodhkii Anfield ee ciyaartoyda uga dhaaranayay in saddexley lagaga dhaliyo, ayaa laga reebay liiska ciyaartoyda Brighton.
Roberto De Zerbi ayaa sheegay, in uu Leandro Trossard anshax-xumo sameeyey, sidoo kalena uu nacay qaabka uu u dhaqmo laacibkan sidaa daraadeedna uu uga eryey tababarkii ugu dambeeyey, isla markaana aanu qayb ka noqonayn kulanka Liverpool ay ku qaabbilayaan.
Sababta ugu weyn ee 28 jirkan looga caydhiyey kooxda ayaa lagu sheegay in uu ka tegay tababarka kooxdiisa toddobaadkii hore isaga oo aan wax fasax ah ka haysanin tababaha kooxdiisa, balse uu ku abaal-mariyey inuu kursiga kaydka dhigay ciyaartii ay 4-1 ku xasuuqeen Everton toddobaadkii hore, sidoo kalena aan lagu soo darin ciyaartii FA Cup ee Middlesbrough ee Sabtidii.
“Leandro Trossard kuma jiro liiska ciyaartoyda ee berri” Ayuu yidhi De Zerbi.
