Mid ka mid ah ciyaartoyda xulka Spain ayaa uga faa’ideysanaya ka qeyb galkiisa Koobka Adduunka inuu wax barto oo uu sii wato diyaarintiisa shahaadada jaamacadeed.
Sida ay sheegtay jariirada Marca, xiddiga Valencia, Hugo Guilamon ayaa waqtigiisa fasaxa bedelkii uu tababaro dheeri ah sameyn lahaa wuxuu sii wadanayaan waxbarashadiisa shahaadada jaamacadeed.
22 jirkaan ayaa haatan diyaarinaya shahaadada Biomedical Engineering. Wuxuuna ka mid yahay ardayda jaamacada Valencia Polytechnic University.
Wuxuu hore u qirtay inuusan wax dhibaato ah ku qabin waxbarashada islamarkaana ay ka caawiso inuu ka nasto kubada cagta.
Sannadkii la soo dhaafay kulankiisii ugu horeysay ee xulka Spain waxay seejisay imtixaan xisaab ah oo qeyb ah ka ah shahaadada uu diyaarinayo.
Guillamon ayaan weli ka ciyaarin Koobka Adduunka isagoo Spain u saftay seddex kulan, laakiin wuxuu ciyaari karaa kulanka Japan gaar ahaan haddii Spain ay natiijo fiican heleyso.
Guillamon waxa uu ka ciyaaraa khadka dhexe marka uu u dheelayo tababarihiisa Valencia Gennaro Gattuso laakiin tababaraha Spain wuxuu xiddigaan da’da yar u isticmaalaa.
