James Milner ayaa shaaca ka qaaday inuu caruurtiisa kula hadlo kaliya Isbaanish inkastoo uu yahay xiddig Ingariis ah.
Laacibka khadka dhexe ee Liverpool ayaa luqada Isbaanishka bartay markii uu joogay Manchester City si uu u caawiyo xiddigihii Spain ee kooxda Etihad Stadium ka dhisan.
Madaama ay qiimo la leedahay in caruurtiisa ay ku hadlaan luqad dheeri ka ah Ingariiska, wuxuu kula hadlaa luqada Isbaanishka marka uu guriga joogo.
Milner oo 36 sanno jir ah ayaa waxa xaas u ah gabar ay isku iskuul ahaayeen iyagoo isku dhalay labo caruur ah wiil iyo gabar.
Isagoo u hadlayay wargeyska The Times sannadii 2018kii, xiddiga Ingariiska ayaa yiri: “Waxaan bartay luqada Isbaanishka markii aan City joogay si aan u la hadlo David Silva iyo Zaba[Pablo Zabaleta] waana sii waday ku hadalkeeda.
“Waxaad aad ii cajibaya dadka labo luqadood isku bedbedeli kara. Tan iyo markii ay caruurteyda dhasheen waxaan kula hadlaa kaliya Isbaanish.
“Xaaskeyda waxay kula hadashaa Ingariis. Wax walba aan u sheego way fahmayaan. Waa hadiyad aad u fiican oo aad siin karto caruurtaada.
“Xaaskeyga waxay ku sheegi kartaa sida aan ahay, haddii aan wax maanka geliyo waan ka dhabeeyaa inaan sameeyo.
“Waxaan ahay mid madax adag oo raba inuu mar walba saxnaado. Waan necbahay guuldarada. Dooda waa weyn ayaa ina dhexmara aniga iyo iyada. Waxaan mar walba ku kaftanaa inaan noqon karay qareen.”
