Waxa shaki ku jiraa haddiiba ay xulka Brazil boosas ka heli doonaan xiddigaha Real Madrid xilli ay Koobka aduunka kaga qayb qaadanayaan dalka Qatar.
Brazil oo Group G kula jirta xulalka hawsha badan ee Serbia, Switzerland iyo Cameroon ayaa la filayaa inay ka gudbaan halkaas.
Xulka shanta jeer kusoo guuleystay Koobka aduunka ayaa ku bilaaban doona tartanka ciyaar ay Serbia la leeyihiin waxay isha ku hayaan koobka oo 20 sano kahor 2002 guushiisu ugu dambaysay.
Haddaba, sida uu sheegayo saxafiga wargeyska Marca ee Mario Cortegana, haddiiba la raacayo nidaamka tababarka xulka Selecao ayay u badantahay in Vinicius Jr, Eder Militao iyo Rodrygo Goes dhammaantood boos ka waayaan shaxda tababare Tite.
Iyadoo inta badan shaxaha lagu shirtagayo kulamada tababarka lagu sii tijaabiyo ayuu Cortegana xusayaa inay shaxda xiddigaha la filayo inay kusoo bilawdaan kulamada ka maqnaayeen Vini, Rodrygo iyo Militao.
Tite ayaa tababarka xulkiisa ku hirgeliyay shaxda 4-3-3 oo 4-4-2 isku bedelaysa iyadoo ku xidhnaan doonta hadba dalka ay kahor tagayaan.
Vinicius ayaa garabka bidix kula tartamaya Neymar iyo Gabriel Martinelli, Militao ayaa daafaca dhexe kaga dambeeya Thiago Silva iyo Marquinhos halka Rodrygo garabka midig kula loolamayo Raphinha iyo Antony Santos.
