Tababaraha kooxda Barcelona ee Xavi Hernandez ayaa ka hadlay mid kamida da’yarta dunida kubadda cagta wakhtigan loogu doonista badan yahay oo ay dhinacooda wadahadal kula jiraan waana 16 sano jirka Palmeiras ee Endrick.
16 sano jirkaas ayaa kooxda ree Brazil kulankiisii koowaad u saftay bishii October wuxuuna tan iyo markaas xiiso ka helayay qaar kamida kooxaha waaweyn ee Yurub.
Saddexda kooxood ee aadka loola xidhiidhinayo ayaa kala ah Paris Saint-Germain oo iyada wararka qaar sheegayaan inay xataa dalab gudbisay, Real Madrid iyo Chelsea.
Xavi oo haatan waraysi siiyay ESPN ayaa si cad u sheegay inuu Endrick u sharaxay mashruuca Barcelona oo uu si toos ah xidhiidh ula sameeyay.
“Waxaanu la joognay aabihii, sidoo kale waxaanu toos ula joognay ciyaartoyga, waxaan u sharaxay mashruuca Barcelona ka jira” ayuu yidhi Hernandez.
“Waxaanu doonaynaa ciyaartoy hibo leh isaguna waa hibo, wuxuu awoodaa inuu kala duwanaansho sameeyo, wuxuu leeyahay dhammaystir cajiib ah, goysmo iyo awood uu garoonka dhexdiisa kala duwanaansho ugu sameeyo, isagu waa ciyaartoy durba wakhtigan taagan ah, wuxuu ka ciyaarayaa horyaalka Brazil iyo sidoo kale ciyaartoy mustaqbalka ah”.
“Isagu horeba wuu u ogyahay mashruuca Barcelona waananu la hadlaynaa, waxaan rajaynayaa inuu ciyaartoygayaga noqdo, isagay ku xidhantahay, waxyaabaha noocan ahi markasta ciyaartoyga ayay ku xidhan yihiin”.
I like that
Asc