Paris St-Germain diyaar ayay u ahayd inay Kylian Mbappe u fasaxdo inuu Liverpool ku biiro xagaagii hore balse isaga ayaa diiday xilli Real Madrid lala xidhiidhinayay. (Athletic – subscription required)
West Ham ayaa dalab ka gudbisay weeraryahanka Aston Villa ee Danny Ings iyagoo u arka mid ka caawin kara gool dhalinta ay ku dhibtoonayaan. (Telegraph – subscription required)
Arsenal saxeex kale oo weyn kuma degdegi doonto suuqan January kaddib waayitaanka Mykhailo Mudryk waxayna sugi doonaan ilaa xagaaga si ay ugu dhaqaaqaan khadka dhexe ee West Ham ee Declan Rice. (Sun)
West Ham ayaa isku dayday inay inta ka dhiman xilli ciyaareedka amaah ku qaadato Harry Maguire balse tababaraha Man United ee Ten Hag ayaa diiday isagoo doonaya inuu kooxda joogo inta ka dhiman xilli ciyaareedka maadaama ay koobab badan u tartamayaan. (Mail)
Thomas Tuchel ayaa diyaar u ah inuu shaqada tababarenimo kusoo laabto kaddib Chelsea wuxuuna diyaar u yahay inuu qabto Tottenham haddii Antonio Conte ka tago. (Standard)
Everton ayay macquul tahay inay isku daydo inay macalin Frank Lampard ku bedesho tababaraheedii hore ee David Moyes oo qudhiisu West Ham ku dhibtoonaya. (Sun)
Moyes ayaa laga caydhin doonaa West Ham haddii uu toddobaadkan guuldarro kala kulmo Everton. (Telegraph – subscription required)
Tottenham ayaa Lucas Moura oo heshiiskiisu xagaaga dhacayo u bandhigtay Everton. (Mail)
Manchester United ayaa heshiis midkii hore ka horumarsan u bandhigtay da’yarkeeda Alejandro Garnacho oo lala xidhiidhinayo Real Madrid. (Independent)
Nottingham Forest ayaa Newcastle amaah kaga doonaysa saxeexa weeraryahan Chris Wood. (Mail)
Chelsea iyo Man United ayaa diyaar u ah inay xagaaga Tottenham kula tartamaan saxeexa goolhaye David Raya. (Telegraph – subscription required)
Tottenham ayaa dalab 30 Milyan oo pound oo lagu daray gunnooyin shuruudo ku xidhan ah ka gudbiyay daafaca midig ee Pedro Porro balse Sporting ayaa doonaysa bixinta £39 Milyan ee heshiiskiisa lagu jabin karo. (Record – in Portuguese)
Atletico Madrid ayaa 2.6 Milyan pound kula saxeexanaysa weeraryahanka Barcelona ee Memphis Depay. (Fabrizio Romano)
FC Copenhagen ayaa xaqiijisay inay Leicester wadahadalo kagala jirto iibka daafaceeda bidix ee Victor Kristiansen balse aan wali waxba la hubin. (Leicester Mercury)
Ronaldinho wiilkiisa Joao de Assis Moreira ayaa tijaabo ku maraya Barcelona, 17 sano jirkaas ayaan ilaa haatan tababarayaasha kooxda qancin balse madaxweyne ayaa ka codsaday in wakhti dheeri ah la siiyo. (La Gazzetta dello Sport)
Villarreal ayaa ugu cad cad inay bilaash xagaaga kula saxeexato weeraryahanka Blackburn ee Ben Brereton Diaz.(Express)
