TOP 30: Jamaahiirta Kubadda Cagta Oo Cod Kusoo Doortay 30kii Xiddig Ee Ugu Fiicnaa 1990-meeyadii

1990-meeyadii waxa kubadda cagta soo maray da’dii dahabka ahayd. Waxay ahayd waqtigii ay garoomada isku soo gaadheen xiddigihii ugu waaweynaa ee ay adkayd in lagu kala saaro qiimaynta iyo bandhiggooda garoomada. Waxay kooxaha waaweyni ku hubaysnaayeen ciyaartooyo kala doorashadoodu ku adkayd tababareyaasha, taas oo marar badan dhibaatooyin ku keeni jirtay qolka labbiska.

Xiddigihii ugu fiicnaa kubadda cagta ayay intooda badan soo baxeen dhamaadka qarnigii 20aad ama 1990-meeyadii, halka ay sidoo kale jireen kuwo waaweyn oo kale oo iyaguna ka baxay garoomada waxyar ka hor intii aanay tobankaa sannadood curanin.

Dood badan ayaa ka abuuranta qiimaynta ciyaartoydii ugu fiicnayd ee dhamaadka qarnigii hore ee 20aad, waxaase doodaas lagu soo afjaray afti laga qaaday taageereyaasha kubadda cagta, taas oo natiijadeedu ay haddana abuurayso khilaaf.

Ma rumaysan kartaa in George Weah iyo Roberto Baggio oo ku guuleystay abaal-marinta xiddiga adduunka ee Ballon d’Or aanay ku jirin liiska 30ka ciyaartoy ee ugu fiicnaa 1990-meeyadii? Su’aashan ayaa ah midda caddaynaysa in aftidan iyo natiijadeedaba la isku khilaafayo, sababtoo ah waxa liiska xiddigaha ugu fiican lagu soo daray ciyaartooyo aan waligood ku guuleysanin Ballon d’Or.

Aftidan oo ay qaadday shabakadda qiimaynta iyo xogta ciyaaraha ee Ranker, ayaa waxa liiska 30ka ciyaartoy ee ugu fiicnaa aan kusoo bixin oo laga waayey xiddigaha waaweyn ee ay ka mid yihiin Alessandro Del Piero, George Weah, Roy Keane, Roberto Baggio, Hristo Stoichkov, Paul Gascoigne, Gabriel Batistuta iyo Marcel Desailly.

Waa kuwan 30ka ciyaartoy ee ugu wanaagsanaa 1990-meeyadii ee ay taageereyaashu codka kusoo doorteen

*XASUUSIN: Qiimaynta waxa qayb ka ah muddada ay ciyaartoydani garoomada ku jireen ee ay sida heerka sare ah u ciyaarayeen, waxaanay qayb ka tahay sababaha Baggio iyo Weah ay kaga baxeen liiska.

30. Raul Gonzalez

29. Gianfranco Zola

28. Andriy Shevchenko

27. Oliver Kahn

26. Michael Laudrup

25. Alessandro Nesta

24. Marco van Basten

23. Ruud Gullit

22. Clarence Seedorf

21. Edgar Davids

20. Peter Schmeichel

19. Xavi Hernandez

18. Ryan Giggs

17. Lothar Matthaus

16. Gheorghe Hagi

15. David Beckham

14. Alan Shearer

13. Paolo Maldini

12. Eric Cantona

11. Ruud van Nistelrooy

10. Rivaldo

9. Edwin van der Sar

8. Dennis Bergkamp

7. Luis Figo

6. Cafu

5. Romario

4. Thierry Henry

3. Roberto Carlos

2. Zinedine Zidane

1. Ronaldo