SAADAASHA Kama Dambaysta Ah Ee Paul Merson Ee PL, Kooxda Horyaalka Qaadaysa, Booska Afraad & Mida Dhaadhacaysa

Advertisements

Khabiirka kubadda cagta England ahna xiddigii hore ee Arsenal ee Paul Merson ayaa saadaashiisii ugu dambaysay ku sameeyay horyaalka Premier League oo kaalmaha ugu xasaasisan la go’aamin doono toddobaadka soo socda oo ah midka ugu dambeeya.

Aan ku bilawnee Merson ayaa qaba in Man United ay xilli ciyaareedkan fadeexada ku ah ku dhammaysan doonto guuldarro kale oo ay kala soo kulmayso Crystal Palace balse bar-bardhac uu filayo in West Ham lasoo gali doonto Brighton ayaa ka dhigan in Red Devils ay booska toddobaad ee UEFA Confrence League ka badbaadi doonaan.

Advertisements

Paul Merson ayaa qaba in Arsenal oo dhawaan guuldarro weyn kala kulantay Newcastle United ay markan xaaqi doonto Everton oo soo martiyaysa balse waxa uu sidoo kale guul ay booska afraad ee Champions League loogu soo baxo u saadaaliyay Tottenham oo u tagaysa kooxda horyaalka ugu hooseysa ee Norwich City.

Paul ayaa kulanka Liverpool qaabilayso Wolves guul u rajeeyay Reds balse waxa uu sidoo kale guul ay hanashada horyaalka ku xaqiiqsadaan siiyay Manchester City oo qaabilaysa Aston Villa.

Advertisements

Ugu dambayn, iyadoo ay haatan isku dhibco yihiin kooxaha Leeds United iyo Burnley ayuu Merson qabaa in Burnley oo guuldarro kala kulmi doonta Newcastle ay heerka hoose u dhaadhici doonto halka ay Leeds oo barbardhac lasoo galaysa Brentford sii joogi doonto.

Saadaasha Paul Merson Ee Premier League Toddobaadka 38-aad Oo Dhammaystiran

Crystal Palace 2-1 Man United

Arsenal 3-0 Everton

Chelsea 4-0 Watford

Leicester City 3-2 Southampton

Brentford 1-1 Leeds

Burnley 0-2 Newcastle United

Norwich 1-2 Tottenham

Brighton 2-2 West Ham

Liverpool 3-0 Wolves

Man City 2-0 Aston Villa

Advertisements

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*

Haddii Aad Ka Heshay Warbixintaan Fadlan La Wadaag Asxaabtaada