RASMI: Tottenham Oo Laga Caydhiyey Tartanka Europa Conference League

Advertisements

Xidhiidhka kubadda cagta Yurub ee UEFA ayaa ka caydhiyey tartanka Europa Conference League kooxda Tottenham, kaddib markii ay baaqatay kulankii ay la ciyaari lahayd Rennes sabab la xidhiidha Fayraska Koorna.

Tottenham ayaa dalbatay in dib loogu dhigo kulan ay la ciyaari lahayd Rennes markii ay taariikhdu ahayd December 9, taas oo ay FIFA ka aqbashay maadaama  dersin ciyaartooyo ah ay kaga maqnaayeen Fayraska  Korona oo xilligaas ka dhex dillaacay Spurs.

Advertisements

Go’aankaas ayaa waxa ka cadhootay Rennes maadaama xilliga ciyaarta la baajiyey ay ku sugnaayeen magaalada London oo ay hal habeen joogeen, taas oo abuurtay muran dhinaca UEFA gudaheedxa ah.

Tottenham oo kaalinta saddexaad  kaga jirtay Group-keeda, ayaa haddii ay guuleysato ciyaartaas, waxay usoo bixi lahayd wareegga xiga ee isku-aadkiisala sameeyey bishan gudaheeda, balse UEFA ayaa mar dambe go’aamisay in guddi loo saaro arrintan, taas oo iyaduna ku talisay in Spurs laga caydhiyo tartanka.

Advertisements

Rennes ayaa  kaalinta koowaad kaga soo baxday hormadan, halka Vitesse ay iyaduna labaad kusoo boodday, sidaasna ay ku hadhay Tottenham.

Guddida ay UEFA u saartay Tottenham ayaa waxay daliil ka dhigatay qodobka Annex J.3.1 ee sharciga ciyaaraha Yurub, waxaanay sidaas guul 3-0 ah ku siiyeen Rennes, iyadoo Tottenham lagu qoray sidii ay awoodi weyday ama diidday inay ciyaarto kulankan.

Arrintan ayaa niyad-jab weyn ku ah Tottenham, waxaana meesha ka baxday filashadii uu Antonio Conte qabay ee ahayd inuu ku guuleysto tartankan maadaama ay kooxdiisu ahayd naadiga ugu awoodda badan ee ka qayb-gelayay tartankan.

Advertisements

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*

Haddii Aad Ka Heshay Warbixintaan Fadlan La Wadaag Asxaabtaada