Arsenal Oo Lambar Cusub Siiyay Gabriel Martinelli & Xiddigii Lambarka Looga Qaaday Oo Si La Yaab Leh U Hadlay

Advertisements

Lucas Torreira ayaa jawaab ka bixiyay in Arsenal ay ka qaaday lambarkiisii islamarkaana lagu wareejiyay weeraryahan Gabriel Martinelli.

Kooxda Waqooyiga London ka dhisan oo soo bandhigtay maaliyadeeda cusub ee xilli ciyaareedka danbe oo ay ku ciyaari doonaan kulanka Axada ee Everton ayaa sidoo kale shaacisay in Martinelli uu lambar cusub u xiran doono kooxda.

Advertisements

Xiddiga reer Brazil ayaa laga bedelay lambarkii 35 ee uu u xirnaa kooxda iyadoo la siiyay maaliyada No.11 taasoo soo jeedineysa in laacibkaan uu boos joogta ah ka heysanayo kooxda.

Balse dhibaatadu waxay tahay in maaliyada No.11 uu iska lahaa Martinelli saaxiibkiisa Torreira. Xiddiga khadka dhexe ayaa soo gabagabeynaya amaah hal xilli ciyaareed uu ku joogay Fiorentina halkaasoo uu u saftay 34 kulan isagoo dhaliyay shan gool.

Advertisements

0 FTC p9vXwAA78DKjpeg

Xiddiga reer Uruguay waxaa Arsenal u soo saxiixay Unai Emery xagaagii 2018 isagoo kooxda koowaad u dheelaya 89 kulan labadiisii xilli ciyaareed ee ugu horeysay ka hor inta uusan booskiisa waayin markii uu Arteta tababare u noqday kooxda. Waxaa amaah loogu diray Atletico Madrid xilli ciyaareedkii hore halka uu xilli ciyaareedkan amaah ugu dheelay Fiorentina.

0 FTHo Q WYAAOEUW

Torreira ayaa xirnaa maaliyada No.11 intii uu joogay Arsenal, wuxuuna sheegay in kooxda aysan kala tashanin in lambarkiisa lagu wareejiyo Martinelli. Arsenal oo lambarka cusub ee Martinelli ku shaacisay baraha bulshada ayuu Torreira u qoray jawaabtaan:

“Lambarkee ayaa xiran doonaa sannadka soo socda? Nasiib wacan saaxiibkeey Gabriel Martinelli, waan ku jeclahay.”

Xaqiiqda ah inaysan Arsenal kala tashanin Torreira inay lambarkiisa siinayaan Martinelli ayaa cadeyneysa in xiddiga reer Uruguay uusan mustaqbal ku laheyn Arsenal isagoo ka mid noqon kara xiddigaha ay kooxda iska direyso xagaagan.

Advertisements

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*

Haddii Aad Ka Heshay Warbixintaan Fadlan La Wadaag Asxaabtaada