WOW: Maxay Tahay Sababta Uu Steven Gerrard Ugu Dabaaldegay Guushii Arsenal Ee Europe League? Akhriso Waxa Kaga Xidhnaa

Tababaraha kooxda Rangers ee Steven Gerrard ayaa shaaca ka qaaday inuu ka helay qaabkii ay Arsenal u xaaqday dhigeeda Slavia Prague kulankii ka tirsanaa siddeed dhammaadka Europe League ee ay 4-0 kusoo guuleysteen.

Sababta uu Gerrard uga helay guushii Arsenal ee kulankaas ayaa ahayd inay kooxda ree Czech soo reebtay kooxdiisa Rangers wareegii ka horreeyay midkaas iyaga oo waliba cunsuriyad kusoo sameeyay mid kamida xiddigaha kooxdiisa.

Slavia Prague's Ondrej Kudela 'attacked and left bloodied' after accusation of racial abuse | Daily Mail Online

Wareegii 16-ka gaar ahaan kulankii ka dhacay magaalada Glasgow ayay ahayd markii khadka dhexe ee Rangers ee Glen Kamara uu af-lagaado kala kulmay Ondrej Kudela oo ka tirsan Slavia Prague isaga oo ku yidhi “Waxaad tahay daanyeer xun” daqiiqadihii ugu dambeeyay ee ciyaarta

Xidhiidhka kubadda cagta Yurub ee UEFA ayaa Arbacadii ganaax 10 kulan ah ku riday Kudela kahor intii aysan Arsenal la kulmin Slavia Prague ee aysan samaynin calaamada ay kaga soo horjeedaan cunsuriyada ee ah inay jilibka dhulka dhigaan.

Kabtankii Arsenal ee ciyaartaas ee Alexandre Lacazette ayaa toos u wajahay xiddigaha Prague isaga oo jilibka dhulka dhigay kahor inta uusan 2 gool ka dhalinin ee aysan labada gool ee kalena raacsan Nicolas Pepe iyo Bukayo Saka iyadoo sababta kale ee xiisaha leh ay ahaayeen in saddexda xiddig ee goolasha dhaliyayba ay madaw ahaayeen.

Alexandre Lacazette Takes the Knee Proper in Entrance of Slavia Prague Gamers Who Refused to Do it – 21newstv.

Gerrard ayaa yidhi isaga oo kulankaas ka hadlayay “Waan jeclaystay waxkasta oo kulankaas ka dhacay, waan jeclaystay qaab ciyaareedkii Arsenal, waan jeclaystay qaabka ay uga hawl-galeen, waan la dhacay qaabka ay u shaqeeyeen kulanka kahor, kulanka dhexdiisa iyo kulanka kaddiba”

“Waan hubaa in Glen sidoo kale ka helay, laakiin anigu dhab ahaan waan la dhacsanaa daawashada qaab ciyaareedkii Arsenal ee habeen hore”

Arrinta xiisaha usii yeelaysay in Arsenal ay ka cidhib tirto tartanka Slavia Prague oo xataa jamaahiirteedu cunsuriyada ku taageereen ayaa ahayd in Glen Johnson oo ahaa xiddiga la cunsuriyeeyay uu kasoo baxay kana qayb ahaa mudo dheer akaademiga da’yarta ee Arsenal.

Glen Kamara has been a revelation at Rangers, as Arsenal ponder a move | Daily Mail Online

 

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*