WARBIXIN: Henry, Vieira Iyo Bergkamp Oo Bilyaneer Ka Caawinaya Inuu Arsenal Iibsado, Jamaahiirta Oo Ugu Dambayn Dhibka Ka Baxaya & Xogtii Ugu Dambaysay

Sida uu sheegayo wargeyska ree England ee The Telegraph, Bilyaneerka ree Sweden ee Daniel Ek ayaa gudbinaya dalab uu ku doonayo inuu iibsado kooxda Arsenal isaga oo caawimo ka helaya halyeeyada kooxdaas ee Dennis Bergkamp, Theirry Henry iyo Patrick Vieira.

Ek oo ah shaqsiga aas-aasay shirkadda muusiga ee Spotify ayaa toddobaadkii hore soo bandhigay xiisaha uu u qabo inuu iibsado Arsenal xilli ay jireen mudaharaado lagaga soo horjeedo mulkiilaha hadda ee Gunners ee Stan Kraonke.

Image

Jimcihii ayay ahayd markii uu Ek bartiisa Twitter-ka kusoo qoray “Ka wiil yar oo koraya ahaan, waxaan jeclaa Arsenal ilaa inta aan xasuusan karo, haddii KSE ay jeclaan lahaayeen inay iibiyaan Arsenal waan ku faraxsanaan doonaa inaan iibsado”

Ek ayay hantidiisu tahay 3.38 Bilyan poun oo u dhiganta 4.7 Bilyan euro sida lagu sheegay warbixiyaha Forbes, sanadkii 2017 ayay ahayd markii wargeyska ree Maraykan ee Billboard uu u doortay ganacsadaha ugu saamaynta badan ee xaga muusiga.

Wakhti xaadirkan lama oga qadarka lacagta ah ee uu Bilyaneerka ree Sweden ku doonayo Arsenal, si kastaba, agaasimaha Arsenal ee Josh Kraonke ayaa sheegay in qoyskoodu aysan wax dareen ah oo ay inay iibiyaan kooxda hadda qabin.

 

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*