“Wakhtigan Ma Odhan Karo….” – Madaxweynaha Barcelona Oo Hadal Wer-Wer Ku Ah Kooxda ka Yidhi Messi Oo Aan Hadda Kooxda Ka Tirsanayn

Madaxweynaha kooxda Barcelona ee Joan Laporta ayaa sheegay inuusan xaqiijin karin in Lionel Messi oo xalay uu ka dhacay heshiiskiisii kooxdu uu kooxda sii joogi doono.

Heshiiskii uu Leo kula joogay kooxda Camp Nou ayaa dhacay xalay 12-kii habeenimo taas oo ka dhigan inuu xor yahay markii ugu horreysay kaddib mudo 21 sano ah oo uu kooxdaas qayb kasoo ahaa.

Messi and Laporta

Waxa la filayaa inuu Messi u samayn doono Blaugrana qandaraas cusub oo laba sano oo kale ah balse wuxuu u muuqdaa in ilaa haatan heshiiskaasi u suurogali waayay sababta sharciga dhaqaale wanaaga Yurub ee FFP oo ay arrimo dhaqaale hor taagan yihiin kooxda.

Joan oo la hadlayay wargeyska Onda Cero ayaa yidhi “Anagu waxaanu doonaynaa in isagu joogo Leo-na waxa uu doonayaa inuu joogo, waxaanu haynaa mawduuca sharciga (Dhaqaalaha), waxaanu ku jirnaa hanaanka aanu xalka ugu wanaagsan u helayno labada dhinacba”

“Waxaan jeclaan lahaa inaan ku dhawaaqo joogistiisa laakiin wakhtiyadan anigu ma odhan karo sababtoo ah habkii ayaanu wadnaa aanu xalka ugu wanaagsan ugu heli lahayn labada dhinacba”

Messi ayaa hadda haysta xoriyada uu heshiis ugu saxeexi karo kooxda uu doono, talaabadaas ayaa ah mid uu deg-deg u qaadi lahaa xilligan oo kale sanadkii hore markaas oo ay maamulkii wakhtigaas ee kooxda isku dhaceen.

 

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*