Waatan Shaxda Aan La Joojin Karin Ee Ay PSG Doonayso Inay Abaarta Champions League Kusoo Af-Meerto Sanadka Dambe

Paris Saint-Germain ayaa wax ka bedelaysa safka kooxdeeda suuqa xagaaga xilli uu tababare Mauricio Pochettino isku dayi doono inuu xilli ciyaareedka dambe u tartamo koobabka maxaliga ah iyo kuwa Yurub labadaba.

Kooxda French-ka ah ayaa soo dhammaysatay xilli ciyaareed qalbi-jab ah iyadoo ku bilaabatay xilli ciyaareedkii hore qaab gaabis ah kuna fashilantay inay si buuxda gadaal uga soo kabato.

Paris ayaa xilli ciyaareedkii dhawaa horyaalka u waayay kooxda Lille laakiin waxa ay isku dayi doonaan inay Ligue 1 dib u hantaan sanadka dambe gaar ahaan kaddib marka ay sameeyaan saxeexyo dhawr ah sida Georginio Wijnaldum.

Pochettino ayaa yimid sanadkii dhawaa gudaha xilli ciyaareedka laakiin xilli ciyaareed buuxa iyo suuqa oo uu si fiican u galo ayaa la filayaa inuu guulo ku keeni karo.

Paris ayaa haddaba qarka u saaran saxeexa goolhaye Gianluigi Donnarumma iyo waliba Wijnaldum oo labadaba ay kaliya uga hadheen inay ku dhawaaqaan.

Serge Aurier ayaa la filayaa inuu booska daafaca midig ugu soo bilaaban karo kaddib markii uu dhawaan qirtay inuu doonayo ku laabashada kooxdiisii hore walow uu inta badan dookha labaad ahaa markii uu Pochettino kula shaqaynayay Tottenham.

Ciyaaryahanka kale ee ku cusub ayaa ah Cristiano Ronaldo oo ugu dambayn Parc des Princes ka degi kara kaddib markii la sheegay inuu doonayo inuu iskaga tago Juventus.

Shaxda Uu Wargeyska The Sun U Saadaaliyay PSG 2021-22 Oo Dhammaystiran

PSG could have an even more star-studded team next season

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*