Waa Kuma Xiddiga Uu Edinson Cavani Sida Gaarka Ah Uga Dalbaday Maamulka Man United Inay La Saxeexdaan?

Weeraryahanka kooxda Manchester United iyo xulka qaranka Uruguay ee Edinson Cavani ayaa la xusayaa inuu maamulka kooxdiisa ka dalbaday saxeexa Nicolas De La Cruz oo ka tirsan kooxda River Plate isla markaana ay ka wada ciyaaraan xulka.

De La Cruz ayaa ilaa haatan wacdarro kusoo dhigay tartanka Copa America isaga oo kusoo bilawday dhammaan saddexda kulan ee ilaa haatan Uruguay ciyaaray oo uu kamid ahaa kulankii ugu dambeeyay ee ay Bolivia guusha ka gaadheen.

Nicolás de la Cruz (URU) :: Photos :: playmakerstats.com

Khadkan dhexe oo dhererkiisu kaliya 5’6 yahay ayaa ah mid aad loogu amaanay lug fudaydkiisa, 24 sano jirkaas ayaa ah mid kooxdiisa River Plate ay lacag 20 Milyan oo euro ah ku qiimayso.

Qaab ciyaareedka Nicolas De La Cruz ayaa ah mid uu la dhacay Cavani oo Red Devils usoo jeediyay saxeexiisa, waxa xusid mudan in Cavani qudhiisu uu heshiis kordhin hal sano oo kale ah u sameeyay kooxdaas oo uu xilli ciyaareedka 2021-22 la qaadan doono.

Manchester ayaan ahayn mid kali ku ah rabitaanka Nicolas balse sidoo kale waxa looga gacan haadinayaa dhinaca Talyaaniga oo ay ka doonayso kooxda Fiorentina.

Man United ayaa la filayaa inay dhaq-dhaqaaq muuqda ka samayso suuqa xagaagan, ilaa haatan ayay xooga saarayaan saxeexa Jadon Sancho oo ay aad ugu dhaw yihiin inay heshiis 77 Milyan oo pound ah kagala soo wareegaan Borussia Dortmund.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*