Waa Kuma Xiddiga Aan Muhiimka U Ahayn Man United Ee Ay Carlo Ancelotti Kaga Dhagantahay In Real Madrid Loo Keeno?

Tababaraha kooxda Real Madrid ee Carlo Ancelotti ayay wararku sheegayaan inuu xiisaynayo daafaca midig ee Man United ee Diogo Dalot.

Dalot ayaa kusoo laabtay Manchester United kaddib heshiis amaah ah oo uu xilli ciyaareed kusoo joogay AC Milan, Ancelotti ayaa haatan doonaya in 22 sano jirkaas loo keeno kooxda.

YRDXtTqH?format=jpg&name=small

Sida uu sheegayo wargeyska AS, Ancelotti ayaa saxeexa Dalot soo jeediyay markii uu joogay Everton balse haatan ka doonaya Santiago Bernabeu.

Walow ay Real Madrid haatan booska daafaca midig u haysato Dani Carvajal iyo Alvaro Odriozola haddana waxa ay wali sii wadi karaan doonista Diogo.

Dalot ayaa kamid ahaa liiskii xiddigaha xulka Portugal ee uga qayb qaatay Euro 2020 isaga oo bedel kusoo galay kulankii France kahor inta uusan kusoo bilaaban ciyaartii Belgium.

Dalot oo kasoo baxay kuliyada da’yarta ee FC Porto ayaa Manchester United kusoo biiray sanadkii 2018 balse ku fashilmay inuu booskiisa xorraysto.

Guud ahaan Dalot ayaa Red Devils usoo ciyaaray 35 kulan balse ka dambeeya daafaca midig ee dookha koowaad ee Aaron Wan-Bissaka.

Dalot oo sidoo kale awooda inuu ka ciyaaro booska daafaca bidix ayuu heshiiskiisa Man United yahay mid ay laba sano oo kale uga hadheen.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*