Shaqsiga Codadka Sirta Ah Ka Haya Madaxweyne Perez Oo Lacag Waali Ah Dalbaday & Haddii La Siinayo

Jose Antonio Bellan oo ah saxafiga udub dhaxaadka u ah codadka sirta ah ee laga qabtay madaxweyne Florentino Perez ee la faafinayay maalmihii ugu dambeeyay ayaa lagu soo warramayaa inuu lacag ka dalbaday Real Madrid.

Bellan ayay wararku sheegayaan inuu si uu codadka Florentino Perez ee uu hore usoo daayay iyo kuwa uu wali hayaba u tirtiro la siiyo lacag 10 Milyan oo euro ah.

Image

Codadkaas oo ahaa kuwo maalmihii ugu dambeeyay kasoo baxayay wargeyska El Confidencial ayaa lagu soo bandhigayay madaxweyne Perez oo eedaynaya xiddigo usoo ciyaaray amaba haatan ka tirsan Real Madrid,

Iyadoo uu haatan Florentino isku diyaarinayo inuu dacweeyo Abellan iyo El Confidencial labadaba, kiiska ayaa noqday mid waji cusub yeeshay sida uu saxafi Carlos Bustillo habeenimadii Arbacadii ka sheegay barnaamijka El Transistor ee Onda Cero.

“Dalabkaas laaluush siinta ah waxa lagu sameeyay huteelka laga cunteeyo ee Combarro ee magaalada Madrid, Real Madrid ma aysan aqbalin” ayuu yidhi Bustillo.

Shaqsiga uga qayb galay Los Blancos kulankaas ayaa lagu sheegay inuu ahaa madaxweyne ku xigeenka kooxda ee Fernandez de Blas.

Shaqsiyaadka uu Perez ku bar-tilmaameedsaday codadkaas sirta ah ee laga faafiyay ayay kamid yihiin Iker Casillas, Raul Gonzalez, Cristiano Ronaldo, Jose Mourinho, Guti iyo Vicente Del Bosque.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*