“Sergio Ramos Barcelona Ayaan Gayn Lahaa, Waxa Uu Naga Caawin Lahaa Ku Guuleysiga Champions League!!”

Halyeeyga kooxda Barcelona ee Samuel Eto’o ayaa ku baaqay inay kooxdiisii hore la saxeexato halyeeyga kooxda ay cadaawada weyni kala dhaxayso ee Sergio Ramos kaas oo la xaqiijiyay inuu hubaal ka tagayo kooxdaas xagaagan.

Real Madrid ayaa shaacisay inay kooxda ka fasaxday Ramos waxaana lala xidhiidhinayaa kooxo badan oo ay ugu cad cadahay Paris Saint-Germain.

MaqRMBJu?format=jpg&name=small

Laakiin Eto’o oo ah ciyaaryahan usoo wada ciyaaray labada kooxood ee ugu waaweyn Spain ayaa qaba inay tahay in Barca ay saxeexa Ramos samayso marka uu ka hayaamo Madrid dhammaadka bishan.

Dhinaca kale Eto’o oo taageere u ah Paris Saint-Germain ayaa sheegay inuu ku farxi doono xataa haddii uu Ramos tago kooxdaas maadaama oo uu ka caawin karo Champions League oo aysan taariikhdeeda kusoo guuleysan walow ay sanadahan ugu dambeeyay dedaalo badan ku bixisay.

Samuel oo la hadlayay wargeyska AS ayaa yidhi “Waxaan ku rajo weynahay in Sergio uu tagi doono PSG, haddii aan Barca kula saxeexan karo waan samayn lahaa”

“Haddii uu tago PSG waan ku farxi doonaa waanan ogahay inuu naga caawin doono ku guuleysiga Champions League, kaas oo u muuqda mid aad noogu adag”

Eto’o ayay hubaal tahay inuusan heli doonin rabitaankiisa ah in Ramos la keeno Camp Nou maadaama oo uu 35 sano jirkaasi hore u sheegay inaysan sinaba macquul u ahayn inuu kooxdaas u wareego.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*