Ole Gunnar Solskjaer Waa Taageerihii Liverpool Ee Isku Bedelay Halyeeyga Man United – Miyuu Weli Jecel Yahay Liverpool?

Xafiiltanka ugu weyn kubada cagta Ingariiska waxa uu ka dhaxeeyaa kooxaha ugu guulaha badan dalkaas ee Manchester United iyo Liverpool.

Sidaasi darteed fekerka ah in tababaraha Red Devils uu taageeri jiray cadowgooda ug da’da weyn waa mid si weyn looga soo dhaweynayo garoonka Anfield.

Waxaa haatan soo shaac baxday in markii Solskjaer uu da’ yaraa islamarkaana uu ku noolaa dalkiisa Norway inuu taageero weyn u ahaa kooxda Liverpool, iyadoo mid ka mid ah saaxiibadiisa ugu dhow uu sheegay in sawirada Liverpool uu ku dhegsan jiray sariirtiisa korkeeda.

Sannadkii 2016, wareysi uu siiyay FourFourTwo ayuu Solskjaer oo waqtigaas tababare u ahaa kooxda Molde wuxuu ka gaabsaday inuu su’aasha si cad uga jawaabo, isagoo kaliya xaqiijiyay kooxda uu haatan jecel yahay.

Markii la weydiiyay waayihiisii uu taageerada u ahaa Liverpool, Solskjaer ayaa yiri: “Intaad nooshahay wax ayaad baraneysaa, waa jawaabta kaliya ee aan ku siin karo…

“Marnaba ma aanan xaqiijin taas! Waxaan ahay taageere weyn oo Manchester United ah. Dhiigeyga waa casaan.”

Si kastaba iyadoo United ay Old Trafford berri oo Axad ah ku soo dhaweyneyso Liverpool, ma jirto cid shaki gelin karta in Solskjaer uu haatan si weyn u jecel yahay Shayaadiinta Cas Cas.

Tan iyo markii uu ku soo biiray Manchester United isagoo 23 sanno jir ah, Solskjaer wuxuu xiriir la leeyahay kooxda muddo ku dhow 30 sannadood.

Sawiradii Liverpool ee uu ku sharxan jiray qolkiisa jiifka waxay noqdeen haatan taariikh la iska ilaaway.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*