Muxuu Ahaa Wada Sheekeysigii Dhexmaray Xiddiga Liverpool Fabinho & Madaxweynaha Real Madrid Florentino Perez?

Wada sheekeysi kooban ayaa dhexmaray madaxweynaha Real Madrid Florentino Perez iyo xiddiga Liverpool Fabinho ka dib markii ay soo dhamaatay ciyaartii habeen hore ee lugta hore ee wareega 8da Champions League ee ka dhacday garoonka Alfred de Stefano Stadium.

Madaxweynaha Real Madrid Florentino Perez ayaa ciyaartoydiisa ugu tagay qolka labiska ka dib guushii 3-1 ee ay ka gaareen kooxda Liverpool oo marti u aheyd.

Waxay tunnel-ka isaga horyimaadeen Vinicius Jr oo soo dhameystay wareysi uu siinayay warbaahinta iyo xiddiga Liverpool Fabinho.

Madaxweynaha Real Madrid ayaa kala hadlay xiddiga reer Brazil Fabinho waqtigiisii uu ka tirsanaa kooxda juunyeerka Real Madrid ee loo yaqaanao Castilla xilli ciyaareedkii 2012-13.

“Markii aad nala joogtay waxaad inoo aheyd daafac midig” ayuu Florentino soo xusuusiyay Fabinho.

Xiddiga Liverpool ayaa u xaqiijiyay inay sax aheyd inuu daafac midig ka dheelayay waqtigii uu joogay Real Madrid balse wuxuu sheegay inuusan haatan ka dheeli karin daafac midig madaama Vinicius uu yahay mid wacdarro dhigaya.

“Haa, laakiin haatan inaan ka dheelo daafac midig…. Alla maxaad ciyaaryahan heysataa oo Vinicius ah.” ayuu yiri Fabinho.

Vinicius ayaa labo gool dhaliyay guushii ay ka gaareen Liverpool taasoo keentay in Fabinho uu ku aqoonsado qaab ciyaareedkiisii fiicnaa.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*