Kung-Fu Mise Kubadda Cagta? DAAWO Muuqaalka Gabriel Jesus Oo Xalay Nafta Dhaafin Gaadhay Xiddig Chile Ah

Weeraryahanka xulka qaranka Brazil iyo kooxda Manchester City ee Gabriel Jesus ayaa xalay sameeyay mid kamida qaladaadka ugu dilaasan ee kubadda cagta suurogalka ka ah kulankii dhex maray dalkiisa iyo Chile ee siddeed dhammaadka Copa America qaybta ka ahaa.

Xulka Samba ayaa guul 1-0 ah ka gaadhay dhigiisa Chile ciyaar adag oo ay qaybtii dambe oo dhan ku ciyaarayeen 10 ciyaaryahan oo kaliya kaddib casaanka uu qaatay Jesus.

PSwsItCm?format=jpg&name=small

Xiddiga AC Milan ee Lucas Paqueta oo Roberto Firmino lagu bedelay wakhtigii nasashada ayaa daqiiqad kaddib marka uu soo galay hoggaanka u dhiibay Brazil kaddib baas cajiib ah oo uu ka helay Neymar Junior.

Laba daqiiqo kaddib goolka furitaanka ee Brazil, Gabriel Jesus ayaa daqiiqadii 48-aad loo taagay kaadhka casaanka ah kaddib markii uu qalad u muuqday mid ah ciyaarta dagaalka ee Kung-Fu ku sameeyay ciyaaryahan Chile ah.

Brazil ayaa liiska xulalka u gudbay wareega afar dhammaadka Copa America kula biirtay Peru oo rigoorayaal ku garaacday Paraguay oo ay 3-3 isku mari waayeen.

Argentina oo uu hoggaaminayo Lionel Messi oo ah gool dhaliyaha ilaa haatan ugu sarreeya tartanku ayaa Ecuador wareega siddeeda kula balansan halka Uruguay iyo Colombia ay dhinacooda fooda is dari doonaan.

Halkan Ka Daawo Muuqaalka

 

 

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*