Iska Illow N’Golo Kante, Professor-ka Kubadda Cagta Ee Ku Tartamaya Ballon d’Or Oo La Magacaabay

Xiddiga xulka qaranka Talyaaniga ee Lorenzo Insigne ayaa ku dooday in xiddiga khadka dhexe ee ay isku waddanka yihiin ee Jorginho ay tahay inuu ku tartamo abaal-marinta xiddiga sannadka ee Ballon d’Or.

Jorginho ayaa Chelsea kula guuleystay Champions League xilli ciyaareedkii hore, waxaanu tiir dhexaad u yahay xulka qaranka Talyaaniga ee ka qayb-gelaya tartanka Euro oo ay usoo gudbeen wareegga siddeedda, isla markaana ay la ciyaari doonaan Belgium.

Lorenzo Insigne

29 jirkan hore ugu ciyaari jiray Napoli ayaa kusoo bilowday kulan kasta afartii ciyaarood ee Euro ee Talyaaniga, waxaanay ciyaartoyda qarankiisu rumaysan yihiin in uu gaadhsiisan yahay heer uu ku tartamo xiddignimada sannadkan.

Lorenzo Insigne ayaa rumaysan, in Jorginho uu ugu yaraan u qalmo in uu ka mid noqdo ciyaartoyda liiska kama dambaysta ah ee tartameyaasha sannadkan ee wargeyska France Football usoo xuli doono tartanka Ballon d’Or.

Isaga oo ka jawabaayay su’aal laga weydiiyey haddii Jorginho u qalmo Ballon d’Or, waxa uu yidhi: “Waxa aanu haysanaa ciyaartooyo tayo leh. Waxa aad ka hadashay Jorginho waana sax. Waxa uu Chelsea ku qaatay sannado cajiib ah waanan ku faraxsanahay in uu xulkayaga ka mid yahay.

“Anigu ma ihi qofka go’aaminaya haddii uu u qalmo Ballon d’Or, laakiin waxa aan rajaynayaa in uu kusoo baxo liiska gaaban, wuxuu u qalmaa sidaa, waa ciyaartoy wanaagsan.

“Anigu waxa aan ugu yeedhaa professor [macallin jaamaceed] dhamaantayana waanu ku faraxsanahay in aanu la ciyaarno.”

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*