Ian Wright Oo Doortay Shaxda Xulka England Ee Kulanka Germany & Labadii Xiddig Ee Jamaahiirtu Ku Taamayeen Oo Uu Tuuray

Halyeeyga kooxda Arsenal ahna xiddigii hore ee xulka qaranka England ee Ian Wright ayaa soo xushay shaxda uu jeclaan lahaa in dalkiisu caawa kaga hortago dhigiisa Germany oo ay ku kulmayaan wareega 16-ka ee Euro 2020 ciyaar Wembley Stadium ka dhacaysa.

Wright ayaa sameeyay go’aano layaab leh isaga oo macalin Gareth Southgate kula taliyay inuu keydka ku cabo Jack Grealish iyo Bukayo Saka oo ahaa labadii xiddig ee bandhiga ugu fiican soo sameeyay kulankii Czech ee ugu dambeeyay oo ahaa ciyaarta kaliya ee ay kusoo bilawdeen.

Euro 2020 - Paul Parker: Bukayo Saka has to keep place, Jack Grealish will never be Paul Gascoigne - Eurosport

Waxa jira talooyin loogu sheegayo Southgate inuu caawa shaxda shanta daafac ku ciyaaro caawa balse Wright ayaa qaba aragti ka duwan midaas isaga oo 4-3-3 doortay.

Bedelka Grealish iyo Saka, Ian Wright ayaa doortay in xulku ku ciyaaro labada da’yar ee kooxaha Chelsea iyo Manchester City ee Mason Mount iyo Phillip Foden.

Wright oo ITV la hadlaya ayaa yidhi “Waxaan dooran lahaa shaxda 4-3-3 waxaanan isku dayi lahaa inaanu awood kaga hortagno Germany”

“Mount ayaan soo gelin lahaa booska Grealish, afka hore waxaan ka ciyaarsiin lahaa Kane, Foden iyo Sterling , khadka dhexe waxaan ka ciyaarsiin lahaa Rice, Phillips iyo Mount kaddibna afar daafac oo kala ah Luke Shaw, Harry Maguire, John Stones iyo Kyle Walker”

Southgate ayaa la filayaa inuu Foden safkiisa hore kusoo celiyo halka Mount qudhiisu uu kusoo bilaaban karo walow uusan awoodin inuu tababar la qaato xiddigaha xulka maadaama oo uu karantiin galay.

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*