“Haddii Aanu Ku Guuleysano Euro….” – Da’yarka Xulka Spain Ee Pedri Oo Ballanqaad Cajiib Ah Sameeyay

Da’yarka kooxda Barcelona iyo xulka qaranka Spain ee Pedri oo kamida xiddigaha da’yarta ah ee kasoo dhalaalay Euro muhiimna u ah shaxda dalkiisa ayaa sameeyay ballan-qaad cajiib ah haddii ay ku guuleystaan Euro.

Pedri ayaa ilaa haatan soo metelay daqiiqad kasta xulka tababare Luis Enrique xilli ay isku diyaarinayaan kulan adag oo ay wareega afar dhammaadka Euro kaga hortagayaan xulka Talyaaniga oo isaguna wacdarro dhigaya.

Image

Haatan sida uu sheegayo wargeyska Marca, 18 sano jirkaas ayaa sameeyay ballan-qaad ah inuu timaha iska xiiri doono haddiiba xulka La Roja uu 11-ka bishan July ku guuleysto korna u qaado koobka.

“Haddii aanu anagu (Spain) ku guuleysano Euros, madaxayga ayaan xiiri doonaa” ayuu yidhi Pedri oo ka hadlayay waxa u qorshaysan/

Dhinaca kale Pedri ayaa qirtay inuu daal yar dareemayo maadaama oo uu xilli ciyaareedkan heer kooxeed iyo mid qaranba kulamo tiro badan soo ciyaaray.

Sidoo kale Pedri ayaa ka hadlay awooda xulka uu qaybta ka yahay ee Spain isaga oo si gaar ah uga hadlay ixtiraamka uu u hayo goolhaye Unai Simon oo kasoo caawiyay inay rigoorayaal kaga soo baxaan Switzerland wareegii siddeed dhammaadka.

Image

 

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*